Një grua nga Nebraska, Aleshia Rogers, po ngre alarmin pas një përvoje tronditëse që gati i kushtoi jetën.
Ajo thotë se dëshiron që njerëzit të jenë “të vetëdijshëm dhe të kujdesshëm” për ndikimin shkatërrues që disa ilaçe, si ibuprofeni, mund të kenë në trupin e njeriut.
Rogers, një teknikë për fëmijë dhe arsim, nisi të merrte ibuprofen rregullisht pas lindjes me prerje cezariane të djalit të saj, Jax, në gusht të vitit 2020.
Ajo vazhdoi ta përdorte dy herë në ditë edhe pas rikuperimit, për të lehtësuar dhimbjet dhe ënjtjet.
Por vetëm tri javë pas lindjes, ajo filloi të përjetonte simptoma të ngjashme me gripin, si temperaturë e lartë dhe djegie në fyt gjatë gëlltitjes.
Sytë i fryheshin dhe e digjnin, ndërsa një skuqje e lehtë në kraharor u diagnostikua gabimisht nga personeli i urgjencës si ethe skarlatine.
Brenda pak orësh, gjendja u përkeqësua ndjeshëm. Flluska filluan të formoheshin në fytyrën e saj, dhe lëkura nisi t’i shkëputej në mënyrë dramatike – duke e detyruar të rikthehej me urgjencë në spital.
Kësaj here, mjekët e diagnostikuan me Syndromën Stevens-Johnson (SJS) – një sëmundje e rrallë dhe potencialisht vdekjeprurëse, që besohet se u shkaktua nga përdorimi i ibuprofenit.
Më pas ajo u diagnostikua me Nekrolizë Epidermale Toksike (TENS) – forma më e rëndë e SJS.
Aleshia u transferua në njësinë e kujdesit intensiv për djegie dhe u vendos në komë të induktuar mjekësisht për tri javë, duke luftuar sepsën dhe dështimin e shumë organeve.
Gjatë kësaj kohe, 95% e lëkurës iu shkëput, duke e detyruar të nënshtrohej një ndërrim dhe transplant të lëkurës në gjithë trupin.
Ajo iu nënshtrua gjithashtu një transplanti të membranës amniotike në sy, për të parandaluar dëmtimet e përhershme.
Pavarësisht se iu dha një shans mbijetese prej vetëm 5 deri në 10%, Rogers arriti të mbijetojë dhe doli nga kujdesi intensiv pas një muaji – megjithëse e pazbuluar nga të afërmit për shkak të ndryshimit drastik të pamjes.
“Nuk kisha asnjë ide se çfarë kishte ndodhur me mua. Kisha harruar që kisha lindur. Kam humbur shumë kujtime,” kujton ajo.
“Familja më tha se çdo gjë ishte në pikëpyetje nëse do ta mbijetoja. Më kanë thënë shumë herë se jam një mrekulli.”
Edhe sot, pesë vjet më pas, Aleshia përballet me komplikime të shumta të lidhura me SJS dhe paralajmëron të tjerët për rreziqet e konsumimit të tepërt të ilaçeve për dhimbje.
“Nuk dua që njerëzit të kenë frikë nga barnat, por dua të jenë të vetëdijshëm për atë që mund të ndodhë,” shton ajo.
/Prive By Liberta Spahiu
