Jeff Bezos, themeluesi i Amazon dhe një nga njerëzit më të pasur në botë, nuk i lë asgjë rastësisë — as kur bëhet fjalë për mobilimin e apartamentit të tij super luksoz në Manhattan.
Bezos është pronar i një penthausi në vlerë prej 80 milionë dollarësh (rreth 60 milionë £) në adresën elitare 212 Fifth Avenue, një ndërtesë historike në qendër të New York-ut.
Ai ka blerë katër katet e sipërme të ndërtesës, duke i shndërruar në një hapësirë të vetme banimi me pamje spektakolare të qytetit.
Por si futen mobiliet në këtë rezidencë që ndodhet në majë të një ndërtese 24-katëshe?
Me vinç gjigant!
Ditët e fundit, është bërë virale një video ku shihet një vinç i madh që ngre mobilie të mëdha direkt nga rruga përmes dritareve të apartamentit të Bezos.
Për këtë operacion të veçantë, është dashur të mbyllet përkohësisht një segment i rrugës së njohur Fifth Avenue, për të garantuar sigurinë.
Kalimi i mobilieve përmes ashensorit apo shkallëve është praktikisht i pamundur për shkak të përmasave të mëdha të apartamentit dhe mobilieve luksoze që Bezos ka zgjedhur.
Ky lloj transporti kërkon leje speciale nga autoritetet e qytetit, planifikim të detajuar dhe siguri të rreptë. Sigurisht, një operacion i tillë kushton shuma të mëdha, por për Bezos-in, kjo është thjesht pjesë e “komfortit” të jetesës në luks të skajshëm.
/Prive By Liberta Spahiu
@thisismoney How Amazon founder Jeff Bezos gets furniture in to his £60 million ($80 million) penthouse apartment in New York City 😲 🎥 Newsflare #ThisIsMoney #Money #Amazon #JeffBezos #NewYorkCity ♬ solitude – favsoundds 
