Pas fitores së madhe në edicionin e katërt të Big Brother VIP Albania, Gjesti ka reaguar për herë të parë në rrjete sociale. Përmes një Instastory, ai ka ndarë ndjenjat e tij pas përfundimit të aventurës në shtëpinë më të famshme në Shqipëri.
“Po dal prej ni eksperience që s’kom me e harru kurrë! S’e kom dite që jashtë atyne mureve ka me m’prit kaq shumë dashni,” shkruan Gjesti, duke u shprehur thellësisht mirënjohës për gjithë përkrahjen e marrë nga publiku.
Ai falënderoi të gjithë ndjekësit për mesazhet, dashurinë dhe mbështetjen, duke shtuar: “Jom tu u ndi shumë i bekum!” Pavarësisht pamundësisë për t’iu përgjigjur të gjithëve, Gjesti nuk la pa theksuar dashurinë dhe mirënjohjen që ndjen: “Ju du pafund!”
Në fund të postimit, ai paralajmëroi një kapitull të ri në jetën e tij, duke i lënë fansat në pritje të projekteve të reja. /Prive By Liberta Spahiu
