Kris Jenner ka thyer heshtjen lidhur me përvojën e saj me Ozempic, duke rrëfyer se ky medikament nuk ishte zgjidhja magjike që ajo priste.
Sipas raportimeve nga revista “People”, menaxherja e Kardashian dhe Jenner ka deklaruar se përdorimi i këtij ilaçi, i cili është kthyer në një trend masiv në Hollywood për rënien nga pesha, e ka bërë të ndihet jashtëzakonisht e sëmurë.
Jenner shpjegoi se jo vetëm që nuk pati rezultatet e dëshiruara, por efektet anësore negative ishin aq të forta sa e detyruan të ndërpresë përdorimin e tij menjëherë.
Megjithatë, kjo eksperiencë e hidhur duket se i përket së kaluarës, pasi ajo ka bërë të ditur se tashmë ka gjetur një tjetër alternativë që po funksionon për të.
Ajo e ka cilësuar zgjedhjen e saj të re si një “game changer”, duke lënë të kuptohet se ka arritur më në fund të gjejë balancën e duhur për shëndetin dhe fizikun e saj.
Ky rrëfim i Kris Jenner shërben si një tjetër dëshmi se rrugët e shkurtra drejt dobësimit nuk janë gjithmonë të suksesshme dhe se çdo trup reagon në mënyrë unike ndaj medikamenteve të tilla. /Prive By Liberta Spahiu
