Një ngjarje tronditëse ka goditur politikën amerikane dhe opinionin publik botëror. Aktivisti konservator Charlie Kirk, një nga figurat më të njohura të gjeneratës së re të djathtë në SHBA, u vra mbrëmjen e 10 shtatorit 2025 gjatë një ligjërate në Universitetin Utah Valley në Orem, Utah.
Sipas raportimeve nga autoritetet amerikane, të shtënat u kryen nga një ndërtesë rreth 200 metra larg vendit ku Kirk po mbante fjalimin e tij. Plumbat e qëlluar në drejtim të podiumit i morën jetën 31-vjeçarit, duke shkaktuar kaos dhe panik te studentët dhe pjesëmarrësit.
Fillimisht policia ndaloi një person të moshuar i veshur me një bluzë blu, por më vonë u konfirmua se ai nuk kishte lidhje me ngjarjen dhe u lirua. Hetimi aktualisht është nën drejtimin e FBI-së dhe ATF-së, por deri më tani nuk ka një person të identifikuar si autor i krimit.
The man who shot Charlie Kirk pic.twitter.com/Fd5yXgJJFG
— #JustinYourFriend (@justin_hicken) September 10, 2025
Vrasësi i Charlie Kirk mbetet në arrati, ndërsa autoritetet federale e konsiderojnë rastin si një hetim të hapur dhe me prioritet të lartë.
Vdekja e Kirk ka shkaktuar reagime të shumta, ku ligjvënës amerikanë, figura publike dhe qytetarë të thjeshtë kanë dënuar fuqishëm aktin, duke bërë thirrje për refuzimin e dhunës politike dhe respektimin e vlerave demokratike.
Ngjarja mbetet në qendër të vëmendjes ndërkombëtare, teksa pritet që ditët në vijim autoritetet të japin detaje të reja për autorin e atentatit që i mori jetën një prej zërave më të fuqishëm konservatorë të kohëve të fundit.
/Prive By Liberta Spahiu
