Pas lajmit që Prive By Liberta Spahiu publikoi dje për bashkimin e Alba Vukajt dhe Lumbardh Salihut, sot vijnë detajet e para vizuale nga sheshxhirimi.
Tashmë është e konfirmuar se dy ish-protagonistët e Big Brother VIP Kosova 2 janë bërë bashkë për një projekt të ri artistik, ku po sprovohen në aktrim. Në fotot e siguruara, fituesi i BBVK 2 shfaqet në një skenë kyçe, i ulur në gjunjë para Albës, por skenari rezervon një surprizë që na kthen pas në kohë.
Regjisori dhe fotografi Artan Korenica ka ndarë një moment nga monitori, duke zbuluar batutën e personazhit të Albës: “JO i tha @albanavukaj”.
Kjo replikë evokon menjëherë historinë e tyre brenda shtëpisë së famshme, ku refuzimi i Albës ndaj Lumbardhit ishte një nga temat më të diskutuara të edicionit të dytë.
Duket se regjia ka vendosur t’i vendosë dy protagonistët në një situatë “déjà vu”, duke rikthyer në mënyrë artistike dinamikën e tyre të njohur, por kësaj here brenda kornizave të një projekti profesional. /Prive By Liberta Spahiu
