Ish-banori i BBVK2, Azem Gagica ka reaguar përmes një postimi në rrjetet sociale lidhur me keqpërdorimin e emrit të tij në platformën Snapchat.
Ai ka sqaruar se në këtë aplikacion po përdoren adresa të rreme me emrin e tij, të cilat po abuzojnë dhe shpifin në emër të tij.
“Po përdoren adresa fake me emrin tim duke abuzuar dhe duke shpifur kundrejt personit tim,” shkruan ai, duke i kërkuar ndjekësve që të mos besojnë askënd që komunikon në emrin e tij në këtë platformë.
Gagica thekson se nuk e ka ndërtuar imazhin dhe personalitetin e tij mbi skandale, dhe paralajmëron se për personat që vazhdojnë të përdorin emrin e tij në mënyrë të paligjshme, do të ndërmerren hapa ligjorë.
“Personat që përdorin emrin tim, i them që rruga ligjore ju pret,” përfundon ai mesazhin e tij, duke u bërë thirrje për kujdes dhe verifikim ndaj informacionit të rremë që qarkullon në emrin e tij. /Prive By Liberta Spahiu
