Gara drejt finales së madhe të “Big Brother” po nxehet dhe emocionet nuk janë vetëm brenda shtëpisë, por edhe jashtë saj.
Në një intervistë të fundit për “Shqipëria Live”, miku i ngushtë i Mateos ka zbuluar detaje mjaft interesante rreth rrugëtimit të tij, duke rrëfyer se hyrja e tij në finale nuk ishte një surprizë për rrethin e tyre shoqëror.
Ai zbuloi se kishin vënë baste me shokët që në fillim se Mateo do të prekte natën finale, pasi sipas tij, ai ka treguar vlera të larta të një djaloshi të edukuar dhe të kulturuar.
Sa i përket fitores, ai bëri një parashikim të fortë duke u shprehur se i vetmi që mund ta ndajë podiumin në finale me Mateon është Selini, duke e parë këtë të fundit si rivalin kryesor për çmimin e madh.
Ai vlerësoi këmbënguljen e Mateos, duke thënë se pikërisht ky tipar, të cilin e karakterizon edhe jashtë shtëpisë, bëri që dashuria e tyre të triumfonte mbi hezitimet fillestare të Brikenës për t’u shkëputur nga ajo njohje.
Miku i konkurrentit konfirmoi se tashmë e kanë takuar Brikenën edhe jashtë: “U takuam dje dhe është vërtet një rreze drite. Është vajzë shumë e edukuar dhe suportuese”.
Nuk ka faj shoku ynë ajo është një vajzë shumë e bukur, janë shumë të mirë bashkë. Besoj se kjo marrëdhënie do të jetë afatgjatë dhe uroj që këto llokume që do hamë kur të dalë Mateo, t’i trashëgojnë. Brikena si nuse Elbasani do jetë shumë mirë.”
Gjatë intervistës u prekën edhe momentet më të vështira të Mateos, si takimi i parë me Brikenën, debatet ku u përmend familja apo përplasjet me Mirin, por miku i tij u shpreh krenar për lojën dinjitoze.
Sa i përket familjes së Mateos, ai tregoi se ndonëse janë të ngarkuar emocionalisht nga ethet e finales, janë të gjithë të bashkuar si ekip.
Familja, miqtë dhe Brikena janë bërë bashkë për t’i dhënë shtysën e fundit Mateos, pasi janë të bindur se ai realisht do ta fitojë këtë edicion të Big Brother. /Prive By Liberta Spahiu
