Një nga figurat më të dashura të futbollit europian, Diogo Jota, ka ndërruar jetë në një aksident tragjik automobilistik në Spanjë. Sulmuesi i Liverpoolit dhe i Kombëtares së Portugalisë, vetëm 28 vjeç, po udhëtonte në zonën e Zamoras kur automjeti i tij pësoi një aksident fatal.
Në makinën fatkeqe ndodhej edhe vëllai i tij, Andre Silva, i cili gjithashtu humbi jetën në vendngjarje, në moshën 26-vjeçare. Vetëm pak ditë më parë, Jota kishte kurorëzuar dashurinë e tij me partneren prej vitesh, Rute Cardoso, me të cilën ndante jetën dhe ishte prind i tre fëmijëve.
Lajmi ka shkaktuar një valë dhimbjeje në komunitetin sportiv dhe përtej, ndërsa Liverpool dhe Federata Portugeze kanë reaguar të tronditur nga humbja e dyfishtë që lë pas një boshllëk të thellë në futbollin modern.
/Prive By Liberta Spahiu.
