Kur Linda Imami po e mbyllte sezonin e radhës së programit të saj, pikërisht nga Prishtina, askush nuk do ta mendonte se ky do të ishte kapitulli i fundit i saj në jetë.
As vetë ajo, as njerëzit që e donin, nuk do ta paramendonin kurrë se kamera do të fikeshin përgjithmonë dhe ajo nuk do të kthehej më në ekran.
Linda dhe stafi i saj kishin plane të tjera, shumë më të mëdha. Projekte që do ta shënonin edhe më fuqishëm emrin e saj. Por jeta, me gjithë surprizat e saj të papritura, ia ndali hovin në mes.
Dizenjatorja e njohur, njëherësh moderatorja që solli intervistat më ekskluzive, shtatë ditë më parë ndërroi jetë, duke lënë pas një boshllëk të pazëvendësueshëm. Sëmundja e rëndë ia mori buzëqeshjen dhe energjinë që i dhuronte publikut, por kujtimi i saj mbetet i gjallë në mendjet dhe zemrat e të gjithëve.
Linda e “Qejfi më i madh se Stambolli” ishte shumë më tepër se kaq. Ajo ishte Linda e çdo shqiptari që gjente tek ajo një mikpritje në Stamboll, një dorë të shtrirë në momentin e duhur, një shtysë përpara kur rruga dukej e mbyllur.
Pejania që bënte diferencën jo vetëm në modë dhe në ekran, por edhe në jetën e përditshme, aty ku tregonte zemrën e saj të madhe me secilin që e takonte.
Për figurën e saj, për kalvarin e vuajtjeve dhe për amanetet që la pas, flet sot shoqja e saj e ngushtë, sipërmarrësja Blerina Mati.
Mes emocionesh, Blerina rrëfen mesazhin e fundit që mori nga Linda pak para ndarjes nga jeta.
“Blerin nuk kam qenë mirë sot edhe shqyqyr që nuk je ktu me m’pa”, flet Blerina mes emocionesh.
Ndiqni materialin e plotë në videon më poshtë! /Prive By Liberta Spahiu
