Pritjes i erdhi fundi! Dhurata e madhe që Blerando fitoi në finalen e Big Brother VIP Kosova 2, më në fund doli nga sirtari.
Artisti ka publikuar projektin e tij më të ri muzikor, një bashkëpunim me Klementin, që mban titullin “Ki Me Pa”.
Dy vite pasi këngëtari mori mundësinë e artë nga kompania “A Plus” gjatë natës finale të BBVK 2, ky premtim u konkretizua me sukses të plotë në këtë rikthim të fuqishëm.
Kënga ka debutuar tashmë në platformat digjitale dhe ka ngjallur menjëherë interesin e fansave që e prisnin këtë moment prej kohësh.
Për realizimin e kësaj kënge, Blerando u përkujdes producenti i njohur turk, Alper Atakan, i cili padyshim njihet si një prej emrave më të fortë dhe më të suksesshëm të industrisë muzikore në Turqi. Atakan ka bërë inçizimin e këngës dhe është kujdesur për vijën melodike (muzikën) së bashku me Ernon dhe vetë Blerandon.
Përtej këtij bashkëpunimi të rëndësishëm ndërkombëtar, projekti mban vulën e shtëpisë së produksionit “ELLIES”. Teksti është shkruar nga Erno, Kreshi dhe Blerando, ndërsa për anën vizuale të videoklipit është përkujdesur Altin Aliu.
Kënga është publikuar zyrtarisht nën menaxhimin e “Fole Publishing”, duke shënuar kështu një hap shumë të rëndësishëm në karrierën e artistit.
Dëgjojeni të plotë në linkun më poshtë! /Prive By Liberta Spahiu
