Pas një periudhe të gjatë distancimi dhe indiference të dukshme nga Gjesti, mbrëmja e djeshme solli një moment të ndjerë mes tij dhe Eglit.
Dyshja, që kishte pasur një ftohje të dukshme, u shtrinë në shtrat dhe për herë të parë, pas kësaj periudhe, shkëmbyen disa fjalë.
Gjatë bisedës, Gjesti nuk ngurroi të shprehte shqetësimin e tij për Xhenetën, duke e akuzuar për mungesë ndjenjash dhe sinceriteti. Ai e kritikoi ashpër, duke i thënë:
Asaj nuk i ka shkuar kurrë asgjë për mua, por tani po tregohet sikur e ka rëndësi. I njoh shumë mirë edhe ato lot. Nuk kam takuar kurrë një femër kaq të ulët. Më vjen turp për të.
Ai vazhdoi me fjalë të tjera të ashpra, duke e quajtur atë një femër pa moral dhe karakter, që ka luajtur me ndjenjat e tij dhe që tani po bën sikur ka ndjenja.
Megjithatë, Egli nuk reagoi gjatë gjithë kësaj bisedë dhe vetëm e dëgjoi në heshtje.
Ky moment i afërsisë mes dyshes ka ngritur dyshime dhe pyetje mbi mundësinë e një rikthimi në marrëdhënie më të ngushta mes tyre, apo nëse kjo ishte thjesht një bisedë kalimtare.
