Sean “Diddy” Combs po përballet me akuza të reja, përfshirë trafikimin e femrave dhe përfshirjen në prostitucion, pak javë para fillimit të gjyqit të tij në Nju Jork.
Akuza të reja, të publikuara të premten nga një gjykatë në Manhattan, përfshijnë veprime penale dhe përmendin një viktimë të dytë, sipas raportimeve të BBC-së.
Prokurorët pretendojnë se Diddy rekrutoi, transportoi dhe detyroi viktimën që të angazhohej në akte seksuale dhe prostitucion nga viti 2021 deri në vitin 2024.
Reperi është përballur me dhjetëra padi nga individë që e akuzojnë për abuzim seksual, me akuza që shtrihen për dekada.
Diddy i mohon të gjitha akuzat. Aktualisht, ai është i burgosur në Bruklin për akuza të shfrytëzimit seksual, organizim kriminal, trafikim personash, prostitucion dhe punë të detyruar.
