Kur njerëzit fillojnë të dyshojnë se partneri i tyre mund të jetë duke i tradhtuar, shpesh shkojnë në ekstreme për të gjetur prova.
Disa përdorin gjurmues GPS, të tjerë kontrollojnë llogaritë bankare ose ndjekin makinën e partnerit. Por, sipas një hetueseje private, e gjitha mund të zbulohet nga një fjali e vetme.
Hetuesja private Ali Marsh i tha Daily Telegraph se kur një partner bie në kontakt emocional me dikë tjetër – shpesh një koleg pune – ai fillon ta përmendë shpesh atë person.
“Nëse ata kanë rënë në dashuri me dikë në punë, mund ta përmendin shpesh. Ata duan të flasin për ta, por nuk munden drejtpërdrejt, kështu që thonë diçka të thjeshtë si: ‘Filani bëri këtë sot’,” tha Marsh.
Ky ndryshim emocional dhe social është një nga shenjat kryesore që dikush mund të jetë i përfshirë në një lidhje jashtëmartesore.
Ndërkohë, psikologia dhe terapistja e marrëdhënieve Elena Touroni shtoi se tradhtia shpesh lidhet me arsye psikologjike. “Në përgjithësi, nëse një person ka tradhtuar një herë, ekziston një arsye psikologjike pas saj, që do të thotë se ka gjasa ta bëjë përsëri,” tha ajo.
Ajo theksoi se kur trajton çifte, shpesh vëren se diçka nuk përputhet në rrëfimet e njërit partner. “Nëse njëri është ende shumë i investuar në marrëdhënie, ndërsa tjetri tregon sjellje që nuk reflektojnë angazhim, atëherë mungon diçka. Zakonisht përgjigjet i gjen në historinë personale të atij personi,” shpjegoi Touroni.
Sipas saj, arsye si vetëvlerësim i ulët apo ndjenja e neglizhimit nga partneri mund të jenë shtysat që e bëjnë dikë më të prirur ndaj tradhtisë. /Prive By Liberta Spahiu
