Këngëtarja e njohur Donjeta Morina ka rikthyer vëmendjen me projektin e saj më të ri muzikor, “Syn”, një këngë që po cilësohet si fiksimi i kësaj vere.
E publikuar vetëm 24 orë më parë, kënga ka kaluar tashmë shifrën e çerek milioni shikime në YouTube, duke u bërë një prej projekteve më të komentuara të momentit në rrjete sociale.
Muzika dhe produksioni janë realizuar nga Bini Diez, tekstin e ka shkruar vetë Donjeta, ndërsa videoklipi është xhiruar nga N’Skene Video. Projekti mban vulën e Diez Music, me Binin si producent ekzekutiv.
Me një estetikë verore, ritëm tërheqës dhe refren të ngulitur në mendje, “Syn” po dëgjohet masivisht dhe pritet të dominojë playlistat e sezonit.
Donjeta po dëshmon edhe një herë se di të krijojë hite që lënë gjurmë. /Prive By Liberta Spahiu
