Pas një qëndrimi jo shumë të gjatë por mjaft të komentuar, këngëtarja e njohur Fjolla Morina ka thyer heshtjen në rrjetet sociale.
Ky është reagimi i saj i parë publik që nga dita e hënë, kur ajo vendosi të ndërpresë rrugëtimin e saj në shtëpinë më të famshme në Kosovë, duke dalë vullnetarisht nga gara.
Një mesazh mirënjohjeje për mbështetësit
Përmes një postimi në llogarinë e saj në Instagram, Fjolla shkroi: “Ju dua ata që më mbështetën… Faleminderit”. Ky mesazh u drejtohet fansave të saj që e kanë përkrahur gjatë ditëve të qëndrimit brenda shtëpisë.
Arsyet e largimit dhe dinamika brenda shtëpisë
Kujtojmë se Fjolla Morina hyri në “Big Brother VIP Kosova” si një nga konkurrentet më të pritura, por qëndrimi i saj zgjati vetëm pak javë. Të hënën, ajo njoftoi vëllain e madh dhe banorët se dëshironte të largohej, dhe pas përfundimit të Prime, Fjolla u largua nga shtëpia. /Prive By Liberta Spahiu
