Yll Limani ka reaguar me disa postime radhazi në rrjetet sociale lidhur me përplasjet dhe situatën e tensionuar në Tiranë, ku studentët po protestojnë. Artisti ka dënuar dhunën e ushtruar ndaj të rinjve, duke shprehur hapur mbështetjen e tij për kauzën e tyre.
Përmes mesazheve të ndara në Instagram, Ylli e ka quajtur të papranueshme dhunën ndaj protestuesve. “Është tmerr me i pa pamjet prej Tiranës. Të rinjë që sulmohen prej atyre që duhet me i mbrojt”, ka shkruar ai, duke shtuar shkurt e qartë: “Unë jom me studentët. Shkurt edhe shqip”.
Më tej, ai ka bërë thirrje që zëri i të rinjve të dëgjohet dhe të merret parasysh me seriozitet:
“Na duhet me i ngu studentët, se qartazi ka pakënaqësi. Qartazi. Me kuptu pse kanë dal, çka po i mundon e çka po kërkojnë. Ata janë e ardhmja e këtij vendi, por zani i tyne duhet me pas peshë qysh sot. Nuk mjafton me ju thanë ‘ju jeni e ardhmja’, nëse kur flasin, s’ka kush i dëgjon. Duhet me i marrë seriozisht e me ju dhanë arsyet me besu që munden me e ndërtu jetën në vendin e vet”.Në përmbyllje të reagimit të tij, këngëtari u ka dërguar një mesazh të drejtpërdrejtë forcave të rendit:
“Uniforma osht përgjegjësi. Qytetari duhet me u ni ma i sigurt kur e sheh policinë. Kush e vesh uniformën e policisë duhet me dit që ka përballë të rinj me andrra, shqetësime e me familje që i presin me u kthy në shtëpi”./Prive By LS
