Shtëpia e Big Brother VIP Albania është përfshirë nga tensionet e larta, ku në qendër të stuhisë është gjendur Rogert Sterkaj pas përplasjes së ashpër me Malin. Teksa i gjithë publiku mbetet me sytë nga ekrani në pritje të një zarfi të zi që mund të ndryshojë rrjedhën e lojës sonte, ka ardhur reagimi i parë zyrtar nga familjarët dhe stafi që menaxhon rrjetet sociale të konkurrentit.
Përmes një postimi në Instagram, familja ka pranuar se tonet e larta dhe debati i ashpër nuk ishin aspak të këndshme për t’u parë, por kanë theksuar se gjithçka ka një pikënisje.
Sipas tyre, situata ka eskaluar për shkak të ofendimeve të ndërsjella, duke lënë të kuptohet se përgjegjësia nuk bie vetëm mbi Rogertin. “Rogerti është duke dhënë gjithçka për këtë lojë,” shkruhet në reagim, ku bëhet thirrje që produksioni të marrë një vendim objektiv dhe të paanshëm, duke parë ngjarjen në të gjitha dimensionet e saj.
Deri në spektaklin e sotëm, mbetet të shihet nëse Vëllai i Madh do të tolerojë gjuhën e përdorur apo nëse ky do të jetë fundi i rrugëtimit për Rogertin. Një gjë është e sigurt: presioni është në kulm dhe familja po kërkon me ngulm “drejtësi” për djalin e tyre para se zarfi të hapet. /Prive By Liberta Spahiu
