Me një seri fotosh të publikuara së fundmi në rrjetet sociale, Gjesti paralajmëroi rikthimin e tij të shumëpritur në muzikë, duke rrëmbyer menjëherë vëmendjen e publikut.
Ai u shfaq i izoluar brenda një vile, duke punuar intensivisht për projekte të reja muzikore. Njëra prej këtyre këngëve, siç e dimë tashmë me siguri, do të mbajë titullin “Fuqishëm”. Ndërkohë që fansat prisnin me padurim një album të plotë pas kësaj periudhe pauze, “Prive by Liberta Spahiu” ka mësuar ekskluzivisht se Gjesti po punon në fakt për një EP, i cili do të përmbajë plot pesë këngë të reja.
Kjo shpjegon edhe arsyen kryesore pse DJ i tij i besuar, Gimbo, ka qenë tejet i zënë me punë kohët e fundit, me dukshëm më pak kohë për Selin. Përveç punës së palodhur në studio, Gjesti përgatitet edhe për një rikthim të fuqishëm në skenë.
Ai pritet të performojë live para publikut në një koncert të rëndësishëm në Gjermani, të planifikuar për datën 13 maj.
LAJMET E TJERA EKSKLUZIVE TË JAVËS NGA RUBRIKA ‘E VËRTETË, E PAVËRTETË’, I GJENI NË VIDEON E MËPOSHTME. /Prive by Liberta Spahiu
