Prishet shoqëria e dy ish-banoreve të BBVK 2, Kader dhe Shqipe Hysenaj? E vërtetë.
Ndonëse dyshja dukej jashtëzakonisht e afërt pas përfundimit të formatit televiziv, gjërat duket se kanë marrë një kthesë krejtësisht të papritur gjatë muajve të fundit. “Prive by Liberta Spahiu” ka zbuluar nga burime të sigurta se kjo krisje në raportin e tyre nuk është thjesht një ngjarje e ditëve të fundit, por një ftohje që ka nisur tashmë prej disa javësh.
Distancimi i tyre i ftohtë në jetën reale është pasqyruar qartësisht edhe në botën virtuale. Vajzat nuk e ndjekin më njëra-tjetrën në Instagram, një veprim që në ditët e sotme konsiderohet si vulë zyrtare e prishjes së marrëdhënieve.
Nëse kthehemi pak pas në kohë, të gjithë e mbajmë mend se verën e kaluar ato kaluan pushime të përbashkëta fantastike, duke ndarë momente të shumta miqësie me ndjekësit.
Fatkeqësisht, këtë verë gjasat janë minimale që t’i shohim sërish bashkë, duke shijuar rrezet e diellit apo duke udhëtuar në shoqërinë e njëra-tjetrës. /Prive by Liberta Spahiu
