Një situatë e paprecedentë ka ndodhur gjatë spektaklit të mbrëmshëm në Big Brother VIP.
Jozefin Marku pas eliminimit të tij nga shtëpia ka goditur Besart Klemendin i njohur ndryshe me emrin e artit Gjesti. Dhuna u ushtrua brenda ambienteve të Big Brother, ndërsa në video mund të shihni edhe momentin kur Jozi godet me shuplakë Gjestin para kamerave, pikërisht në momentin kur po largohet nga shtëpia e Big Brother. Gjesti ka përfunduar në tokë, ndërsa mësohet se gjendja e tij shëndetësore është e stablizuar.
Pas kësaj situate të rëndë para syve të publikut, policia ka mbërritur në ambientet e Big Brother ku arrestuan Jozin, duke e shoqëruar me pranga në duar, siç shihet edhe nga pamjet. Ndërkohë burime për Report Tv kanë zbardhur dëshminë e ish banorit në Komisariatin nr. 6. “Më ka provokuar gjatë gjithë lojës, nga gjaknxehtësia e qëllova. Nuk e durova më!”, citohet të ketë thënë ai.
Jozi ka qëndruar në Komisariat për 5 orë me radhë, deri në përfundim të procedurave, është liruar rreth orës 05:00 të mëngjesit, ndërsa do të hetohet në gjendje të lirë. “Specialistët për Hetimin e Krimeve të Komisariatit të Policisë Nr. 6: referuan materialet në Prokurori, ku nisi procedimi në gjendje të lirë për shtetasin J. M., 29 vjeç, pasi gjatë trasmetimit të një reality show, ka qëlluar me pëllëmbë shtetasin B. K”, thuhet në njoftim.
