Një nga emrat më të fuqishëm të muzikës urban-europiane, El Morad, do të zbresë për herë të parë në Kosovë për një Balkan Tour që pritet të dridhë klubet dhe publikun shqiptar!
Artisti që ka pushtuar top listat në shumë vende të botës dhe konsiderohet nr.1 në Europë, nuk është më thjesht një fenomen muzikor – ai është tashmë një ikonë globale, dhe Kosova është stacioni i radhës në këtë super turne që ka ndezur qytet pas qyteti në kontinentin e vjetër.
Kjo ngjarje bombastike vjen nën menaxhimin e vetëm një emri që mund ta bëjë të mundur: Jetmir Agaj nga SBS Entertainment. I njohur për lidhjet e tij të fuqishme ndërkombëtare dhe për organizimin e ngjarjeve madhështore, Agaj është garantuesi i një tour-i që do të mbetet në histori.
Mësohet se turi në trojet shqiptare do jetë nga muaji gusht.
Sipas të dhënave të Spotify Wrapped për vitin 2024, Morad u rendit si artisti i tretë më i dëgjuar në Europë, pas David Guetta dhe Jul .
Albumi i tij më i fundit, Reinsertado, ka qenë një sukses i madh, duke debutuar si albumi i dytë më i dëgjuar në Spotify globalisht dhe duke tejkaluar 400 milionë dëgjime në total . Morad ka mbushur stadiume në të gjithë Europën, përfshirë një koncert epik në Palau Sant Jordi në Barcelonë me mbi 16,000 pjesëmarrës
Nga super koncertet në Europë, në klubet më të zjarrta të Prishtinës – El Morad po vjen, dhe asgjë nuk do të jetë si më parë!
