Skena muzikore po përgatitet për një bashkëpunim të shumëpritur që pritet të shënojë sezonin e dasmave dhe koncerteve.
Burime për Prive By Liberta Spahiu bëjnë të ditur se Albert Limani, bashkëshorti i Shkurte Gashit, njëherësh edhe menaxher i saj, ka bërë të mundur një super projekt mes dy prej emrave më të kërkuar të eventeve festive: Shkurte Gashit dhe Sinan Hoxhës.
Të dy këngëtarët njihen për atmosferën që krijojnë në çdo dasmë, dhe këtë herë forcat janë bashkuar në një projekt që, sipas informacioneve tona, është tashmë i përfunduar.
Publikimi është vetëm çështje kohe dhe pritet të shoqërohet me videoklip.
Dasmat 2025 do të jenë “flakë fare” dhe për këtë gjë nuk ka më asnjë dilemë. /Prive By Liberta Spahiu
