Ylli botëror i muzikës pop Katy Perry dhe ish-kryeministri i Kanadasë Justin Trudeau u panë së bashku në një darkë në një nga restorantet më të njohura të qytetit, duke nxitur menjëherë zëra për një raport të mundshëm të veçantë mes tyre.
Të hënën në mbrëmje, më 28 korrik, Katy Perry dhe Trudeau darkuan në restorantin ekskluziv Le Violon, ku sipas dëshmitarëve, atmosfera ishte e qetë, intime dhe miqësore. Të dy shfaqeshin të buzëqeshur, duke ndarë pjata me ushqime deti dhe duke shijuar koktejle të rafinuara. Personeli i restorantit raportoi se nuk pati asnjë shfaqje të hapur romantike mes tyre, por prania e tyre së bashku krijoi padyshim një ndjesi “VIP” në ambient.
Burime pranë restorantit kanë konfirmuar se siguria private qëndronte në distancë, ndërsa Katy dhe Justin u treguan të afërt me stafin, duke i përshëndetur edhe në kuzhinë pas përfundimit të darkës. Sipas portalit TMZ, ky takim vjen në një kohë kur të dy janë të sapodalë nga lidhje të rëndësishme – Katy Perry nga fejesa me aktorin Orlando Bloom dhe Trudeau nga martesa shumëvjeçare me Sophie Grégoire.
Megjithëse nuk ka ende asnjë deklaratë zyrtare nga asnjëri prej tyre, pamjet dhe informacionet e publikuara nga burime të shumta ndërkombëtare kanë ndezur rrjetet sociale dhe shtypin rozë, me shumë prej ndjekësve që spekulojnë për një romancë të mundshme.
Katy Perry, 40 vjeç, kohët e fundit ka konfirmuar ndarjen nga aktori britanik Orlando Bloom, me të cilin ndan një vajzë, Daisy Dove Justin Trudeau, 53 vjeç, dha dorëheqjen nga posti i kryeministrit të Kanadasë në mars 2025 dhe është aktualisht beqar pas ndarjes me bashkëshorten e tij në vitin 2023.
Ky takim mes një ikone të muzikës dhe një figure politike të njohur ndërkombëtarisht po shihet si një ndër ngjarjet më të komentuara të verës në arenën mediatike globale. /Prive By Liberta Spahiu
