Liberta zgjedh tutat që kalojnë çdo sfidë - edhe në stil, edhe në komoditet!

Gjatë organizimit të një udhëtimi, gjithmonë mendojmë për gjërat praktike – buxhetin, biletat, oraret e transportit – por ka një detaj që nuk duhet neglizhuar: veshja e rehatshme. Pavarësisht nëse udhëton me avion, veturë, autobus apo tren, një palë tuta komode janë aleati yt më i mirë.

Tutat janë perfekte për udhëtime sepse të japin liri lëvizjeje, nuk të shtrëngojnë dhe përshtaten me çdo situatë gjatë rrugës. Për më tepër, me prerjen dhe materialin e duhur, ato mund të duken edhe mjaft stil.

Si propozim personal, Liberta Spahiu sugjeron tutat me prerje “barrel” nga Bershka. Janë të buta, të lehta, me bel elastik që nuk të pengon në orë të gjata udhëtimi dhe kanë një prerje moderne që i bën të përshtatshme edhe për raste të ndryshme sapo të mbërrish në destinacion.

Një palë të tilla mund të kombinohen lehtësisht me atlete apo sandale sportive dhe do të ndihesh po aq rehat sa dukesh elegante.
Pra, para se të nisesh në udhëtimin tënd të radhës, sigurohu që në valixhen tënde të mos mungojë ky element i domosdoshëm: një palë tuta komode dhe stil që të shpëton në çdo udhëtim.

Tutat me prerje “barrel” i gjeni të disponueshme në 3-4 ngjyra, siç paraqiten më poshtë. /Prive By Liberta Spahiu