Dua Lipa ka ndezur skenën e natës së parë të Sunny Hill Festival në Prishtinë, duke sjellë jo vetëm një performancë madhështore, por edhe një mesazh emocional që ka prekur zemrat e fansave.
Përmes një postimi në Instagram, artistja shqiptare me famë botërore ndau ndjesitë e saj për këtë përvojë unike: “Ky festival është diçka që e krijuam unë dhe familja ime me shumë dashuri për qytetin tonë, Prishtinën. Të shohësh që bëhet realitet në këtë mënyrë është përtej çdo ëndrre që kam pasur.”
Momentet më të veçanta për të, siç shkroi vetë, ishin performanca përballë publikut të saj dhe ndarja e skenës me babain, Dukagjin Lipën: “Ishte një moment që nuk do ta harroj kurrë.”
Me zemrën plot mirënjohje, Dua shtoi se ndihet jashtëzakonisht me fat dhe falënderuese, duke kujtuar se festa nuk ka përfunduar ende: “Na presin edhe dy net të tjera për të festuar së bashku!”
Në fund, ajo përmbylli mesazhin me fjalët në shqip: “JU DUA me krejt zemrën ❤️❤️❤️❤️❤️”. /Prive By Liberta Spahiu
