Një filxhan i vogël për të nisur ditën. Pastaj një tjetër në punë, një për t’u përqendruar, e një tjetër pas drekës… Derisa, pa e kuptuar, jemi bërë të varur nga kafja. Por çfarë ndodh realisht në trup kur e teprojmë me këtë pije të dashur?
Në fillim, duket sikur gjithçka shkon për mrekulli. Rritet vëmendja, ndjehemi më energjikë dhe më në formë. Por kjo ndjesi është e përkohshme. Truri fillon të prodhojë më pak adenosinë – kimikatin natyror që na ndihmon të relaksohemi – duke na bërë gjithnjë e më të varur nga doza të reja kafeine për të funksionuar.
Pas konsumit të tepruar, mund të shfaqen simptomat e ankthit, nervozizëm, rrahje të shpejta zemre dhe madje edhe çrregullime të gjumit, edhe nëse kafen e fundit e kemi pirë orë më parë.
Trupi bëhet më i dehidratuar, dhe mineralet si kalciumi e magnezi – të domosdoshëm për eshtrat dhe muskujt – fillojnë të humbasin më shpejt. Ndërkohë, stomaku mund të vuajë nga aciditeti i lartë, duke sjellë urth apo probleme me tretjen.
Por lajmi i mirë është se një konsum i moderuar, deri në 2-3 filxhanë në ditë, shoqërohet me benefite si përqendrim më i mirë, rrezik më i ulët për disa sëmundje kronike dhe madje edhe gjendje shpirtërore më stabile.
Pra, si çdo gjë tjetër në jetë, edhe kafja kërkon balancë. Jep energji, por nëse nuk e ndal dot veten, fillon të të marrë më shumë sesa të jep.
/Prive By Liberta Spahiu.
