Ylli i Barcelonës Pedri surprizoi fansat me një postim në InstaStory, ku në sfond dëgjohej kënga e njohur e artistes shqiptare Tayna, “Si ai”.
Ky detaj tërhoqi menjëherë vëmendjen e ndjekësve, të cilët u entuziazmuan nga zgjedhja muzikore e futbollistit.
Ky moment tregoi se Pedri është në hap me trendet jo vetëm në sport, por edhe në muzikë, duke krijuar një lidhje interesante dhe të papritur mes futbollit dhe muzikës shqiptare.
Kënga “Si ai”, që prej lansimit të saj është kthyer në një hit të madh, e luajtur nga emra të njohur si Marshmello, Mahmut Orhan e të tjerë.
Tani edhe ylli i futbollit Pedri e ka ndarë në InstaStory-n e tij, duke treguar se kjo këngë është një nga të preferuarat e tij – një veprim që e forcon edhe më shumë suksesin ndërkombëtar të Taynës.
Kënga ka marrë një hov të ri edhe falë remix-it me Marshmello dhe UKAY.Gjithashtu, kënga “Si ai” nuk ka munguar as në një nga festivalet më të mëdha ndërkombëtare të muzikës elektronike – Tomorrowland, ku është luajtur përpara mijëra njerëzve, duke dëshmuar edhe një herë suksesin dhe shtrirjen globale të hitit të Taynës.
Ky kombinim i papritur mes një ylli të futbollit si Pedri dhe një hiti shqiptar si “Si ai” tregon fuqinë që ka muzika për të kapërcyer kufijtë dhe për të bashkuar botë të ndryshme, si ajo e sportit dhe artit./Prive By Liberta Spahiu
