Pas javësh të tëra thashethemesh dhe spekulimesh në media dhe rrjetet sociale, për moderatoren e ‘Big Brother VIP Fun Club’, Egli Tako, ka thyer më në fund heshtjen.
Në një reagim publik, Egli Tako e ka nisur mesazhin e saj duke shprehur mirënjohjen e thellë për mbështetjen e fansave.
Ajo ka thënë: “Kam ndjerë gjatë muajve të fundit me shumë se kurrë dashurinë, suportin e proktektivitetin tuaj ndaj meje dhe mund të them vetëm se jeni dhuratë e çmuar në jetën time. Të gjithë pa përjashtim, thënë kjo, ju meritoni të jeni të mirë informuar, dhe nga ana ime kjo është minimalja që duhet të bëj për ju.”
Lidhur me thashethemet e kohëve të fundit, Egli ka konfirmuar zyrtarisht se nuk do të jetë moderatorja e ‘Fun Club’.
“Doja vetëm t’ju vë në dijeni, se unë personalisht, nuk do të moderoj programin për të cilin jam komentuar prej muajsh së fundmi mediatikisht”.
Pika kyçe: Nuk ka pasur “Garë” apo “Revoltë”
Për të ndalur spekulimet rreth një konflikti të mundshëm, Egli ka theksuar se largimi i saj nuk erdhi si rezultat i një “gare” apo “revolte” personale.
“Fillimisht dua t’ju them se ska nevojë për asnjë revoltë pasi nuk ka qenë një garë, dhe as një kërkesë apo plan i imi për të qenë vitin që vjen, por ka qenë më tepër zhurmë mediatike pas kërkesave të shumta ndaj emrit tim, gjë për të cilën jam shumë falënderuese!”
Fokusi tek përmirësimi personal dhe projekteve të reja
Në fund të mesazhit, Egli shpjegoi se aktualisht fokusi i saj është tek zhvillimi dhe projekte të reja. Ajo e krahasoi situatën me një garë ku ajo garon kundër vetvetes për t’u përmirësuar:
“Garat kanë lezetin e tyre, por nuk është ky rasti. Në këtë rast, garoj me veten dhe përmirësimin e unit tim vit pas viti, pasi sapo ja kam nisur, dhe më besoni kur ju them se me Zotin përpara, na pret një vit fantastik me shumë projekte të reja në TV, muzikë dhe biznes.”
Ajo e mbylli mesazhin duke falënderuar sërish fansat dhe duke i siguruar se vazhdon të jetë e mirënjohur:
“Faleminderit që shihni potencial brenda meje dhe luftoni për mirëqenien time, ky mesazh është sadopak një formë për t’ju kthyer dashurinë. Ju dua, e mbajeni mend gjithmonë se ju jeni shumë të shenjtë për mua!” /Prive By Liberta Spahiu
