Përderisa rrjetet sociale janë vërshuar nga buqetat me trëndafila dhe dedikimet romantike të çifteve të showbiz-it, ish-banorja e Big Brother VIP Kosova, Kader Kicaj, ka vendosur të festojë ndryshe këtë 14 shkurt.
Sytë e publikut ishin tek ajo për të parë nëse dikush i ri ka hyrë në jetën e saj, por bukuroshja nga Prizreni ka dhënë një përgjigje sa të ëmbël aq edhe ironike për statusin e saj.
Kaderi fillimisht ka shkrirë zemrat e ndjekësve duke prezantuar “Shën Valentinin” e saj më të bukur. Ajo ka postuar nipin e saj të vogël, i cili shihet i rrethuar nga tullumbace të kuqe në një ambient feste, duke e cilësuar atë si dashurinë e saj kryesore këtë vit. Është një zgjedhje e sigurt dhe emocionale që shpesh e shohim nga personazhet publike kur duan të shmangin spekulimet për jetën private, duke vendosur familjen në plan të parë.
Por, nuk ka munguar as doza e humorit dhe vetëbesimit që e karakterizon. Në një postim të dytë, Kaderi shfaqet në makinë me një dedikim që flet qartë për pavarësinë e saj aktuale: “Happy Valentine’s Day… prej meje, për mua”. Me këtë frazë, ajo duket se konfirmon që për momentin është e fokusuar tek vetja dhe nuk ka ndonjë romancë të re në horizont, ose të paktën, jo ndonjë që është gati ta bëjë publike. Në fund të fundit, vetë-dashuria mbetet trendi më i fortë i këtij sezoni për vajzat beqare të ekranit. / Prive By Liberta Spahiu
