Mjaftoi vetëm një reagim në Instagram që thashethemet globale të ktheheshin në fakt: Lewis Hamilton sapo pranoi publikisht lidhjen me Kim Kardashian.
Edhe pse piloti nuk përdori fjalë, në botën e rrjeteve sociale, një reagim i tillë vlen sa një mijë deklarata.
Ylli i ri i Ferrarit nuk u përmbajt përballë postimit të fundit të Kim në Instagram, ku ajo shfaqej mahnitëse me një fustan të artë Gucci gjatë festës së Oscars.
Mes mijëra komenteve, ra në sy ai i Sir Lewis: një emoji me sy me zemra, duke vulosur kështu miratimin e tij për dukjen e yllit televiziv.
Ky veprim mund të duket i vogël, por është provë e mjaftueshme për t’u treguar 353 milionë ndjekësve të Kim (dhe 42.6 milionë ndjekësve të tij) se dyshja nuk po fshihet më.
Ky ndryshim strategjie vjen vetëm një muaj pasi Hamilton refuzoi në mënyrë kategorike të fliste për takimin e tyre në Super Bowl.
Gjatë garës në Bahrein, i pyetur nga media e F1, ai u shpreh prerë: “Është jeta ime private. Nuk flas për këtë.”
Megjithatë, faktet flisnin vetë prej kohësh, duke nisur nga prania e tyre e përbashkët në Super Bowl e deri te raportimet për një arratisje sekrete në Arizona.
Një tjetër detaj që nuk u shpëtoi ndjekësve ishte zëri i pilotit, i cili u dëgjua qartë në sfondin e një videoje të xhiruar gjatë një mbledhjeje private të familjes Kardashian-Jenner.
Ky koment flirtues shërben si konfirmim për këdo që ende dyshonte se koha e tyre së bashku ishte thjesht miqësore.
Dhe për të gjithë ata që besojnë te “Mallkimi i Kardashianëve”, Hamilton sapo vërtetoi të kundërtën duke siguruar podiumin e tij të parë me Ferrarin në Çmimin e Madh të Kinës.
Duket se kur bëhet fjalë për G.O.A.T.S, mallkimet nuk kanë asnjë fuqi. /Prive By Liberta Spahiu
View this post on Instagram
