Aktori i njohur dhe shumë i dashur për publikun shqiptar e atë turk, Çağatay Ulusoy, i ka lënë të gjithë pa fjalë me daljen e tij të fundit. I njohur për natyrën e tij tejet diskrete kur vjen puna te jeta e tij sentimentale, këtë herë aktori ka bërë një përjashtim të madh për dashurinë!
Mbrëmjen e kaluar, Çağatay ka qenë protagonisti kryesor në festën e ditëlindjes së të dashurës së tij, aktores së njohur Aslıhan Malbora. Pamjet nga kjo festë private po bëjnë me shpejtësi xhiron e rrjeteve sociale, ku shihet se çifti ka zgjedhur të festojë nën shoqërinë e miqve të tyre më të ngushtë në një ambient mjaft të ngrohtë dhe me muzikë live.
@cagatayyfanclub Çağatay Ulusoy, sevgilisi Aslıhan Malbora’nın doğum gününü kutladı. #çağatayulusoy ♬ orijinal ses – cagatayyfanclub Kulmi i mbrëmjes ka qenë momenti kur Çağatay doli vetë në skenë. Aktori ka marrë kitarën dhe ka performuar për Aslıhan, duke dëshmuar kështu jo vetëm talentin e tij në muzikë, por edhe anën e tij më romantike. E buzëqeshur dhe plot shkëlqim, aktorja dukej se e ka shijuar në maksimum këtë dedikim special.
Festa nuk mund të ishte e plotë pa prezencën e miqve VIP. Aktori dhe këngëtari Mert Koç ishte gjithashtu i pranishëm dhe iu bashkua Çağatay-t në skenë, duke e kthyer ditëlindjen në një mini-koncert fantastik ku të gjithë kënduan e kërcyen së bashku.
Kujtojmë se shkëndijat e para mes Çağatay Ulusoy dhe Aslıhan Malbora nisën gjatë xhirimeve të serialit hit “Kübra”. Prej asaj kohe, dyshja është munduar t’i qëndrojë larg syrit të paparacëve, por ky moment i fundit dëshmon se marrëdhënia e tyre është më e fortë dhe më e lumtur se kurrë! /Prive By Liberta Spahiu
@muk_magazin Çağatay Ulusoy ve Mert Koç, Aslıhan Malbora ‘nın doğum günü kutlamasındalar ✨ #çağatayulusoy #cagatayulusoy #keşfet #keşfetteyizzz #amazing ♬ orijinal ses – muk_magazin 
