Rrugëtimi i “Big Brother VIP Albania 5” mund të ketë përfunduar, por tensionet mes fitueses Selin Bollati dhe finalistit Rogert po bëjnë zhurmë edhe jashtë mureve të shtëpisë së famshme.
Zanafilla e kësaj përplasjeje në distancë ishte një video virale e Rogertit duke kënduar në një club vargjet “ala-ja Selina, ala-ja Dubai”. Kjo batutë nuk u ndal me kaq, por u shndërrua në një projekt muzikor, pas një bashkëpunimi të ish-banorit me reperin e njohur Don Phenom.
Gjatë një daljeje në emisionin “Goca dhe Gra”, Selin u shpreh se shumë njerëz e kishin këshilluar të niste një betejë ligjore për përdorimin e emrit të saj në këngë. Megjithatë, ajo shtoi se nuk kishte ndërmend të hapte gjyqe, duke theksuar se përtej çdo gjëje “ka një Zot lart që i sheh të gjitha”.
I pyetur rreth kësaj çështjeje mbrëmjen e djeshme në podcast-in e Ilnisa Agollit, Rogerti nuk ngurroi të jepte versionin e tij. Kur Ilnisa i solli në vëmendje mundësinë e një padie, finalisti i BBVA5 e kaloi situatën me ironi, duke theksuar se nuk ka asnjë dedikim të drejtpërdrejtë:
“Selin e ka Selin Bollati, jo Selina. Dhe Selina domethënë kur ta google-ojnë, domethënë dritë (light) në Arabi.”
Ndonëse ideja e dyerve të gjykatës do të trembte këdo, Rogerti u shfaq mjaft i patrembur. I pyetur nga Ilnisa nëse i druhet një përballjeje të tillë ligjore, ai u përgjigj prerë:
“Unë i them atyre paçi fat, edhe shihemi në gjykatë. Shihemi në gjykatë moj motër.”
Për të treguar se nuk e merr aspak seriozisht këtë paralajmërim, Rogerti e mbylli bisedën me doza të forta humori, duke imagjinuar se si do të ishte një skenë e tij para trupit gjykues:
“Në gjykatë? Duke qesh dhe duke kërcy këngën. Tani të jemi të pastër… edhe gjyqtarin kam për ta bërë për të kërcy me mu.”
/Prive By Liberta Spahiu
View this post on Instagram
