Mirlind Daku, dhe partnerja e tij, Vesa Vlasaliu, kanë gjetur kohën për t’u shkëputur nga angazhimet profesionale. Çifti ka nisur zyrtarisht pushimet verore, duke zgjedhur një destinacion bregdetar mjaft piktoresk për të kaluar momente të bukura pranë njëri-tjetrit.
Ky udhëtim ka një rëndësi të veçantë për dyshen, pasi këtë vit pushimet verore po i kalojnë për herë të parë si prindër. Përmes rrjeteve sociale, ata nuk kanë ngurruar të ndajnë me ndjekësit disa momente tejet të ëmbla nga këto ditë të para relaksi.
Në imazhet e publikuara në profilet e tyre në Instagram, shihet qartë atmosfera e qetë dhe private që çifti po shijon. Siç dallohet në fotografinë e ndarë nga futbollisti në instastory-n e tij, Mirlindi shfaqet brenda në ujin e kristaltë të detit, duke u kujdesur me shumë dashuri për vogëlushen e tyre. Miresën e vogël.
Pas një sezoni të ngarkuar dhe me plot dinamikë në fushën e blertë, këto pushime janë kthyer në periudhën ideale që Daku të ‘mbushë bateritë’.
Pushime të mbara! /Prive By Liberta Spahiu
