Gjesti është shfaqur së fundmi në një video të publikuar në rrjetet sociale, ku shihet duke vozitur dhe duke iu drejtuar fansave të tij, për të cilët thotë se i kanë munguar shumë.
“Ku jeni, pash familjen? Kuhhh, më ka marrë malli për ju. Dinë, pasha Zotin, shumë jeni tu më mungu. Qetash po ia di vlerën, veç qetash e di sa po më doni ju mu. Po unë, budall, unë lop”, shprehet ai me humor.
Në ato momente, Gjesti vëren disa fansa në një makinë tjetër, të cilët e përshëndesin sapo e shohin.
Ai ua kthen përshëndetjen me dorë dhe, i emocionuar nga takimi, thotë:
“Mfal, mfal. Hej, hello! A pe sheh dashnia? Kqyre dashnia”.
Më pas, ai u premton fansave se rikthimi i tij do të jetë shumë i shpejtë, duke e shoqëruar këtë me energjinë e tij karakteristike.
“Shumë shpejt, baba. Kingu, mbreti, mbreti. S’din mu shtjerr kjo energji”, shprehet Gjesti.
Ai gjithashtu pranon se gjatë kësaj periudhe ka qenë më pasiv në rrjetet sociale, por thekson se problemet zgjidhen gjithmonë dhe se së shpejti do të jetë sërish pranë fansave të tij.
“E di që kom mungu, e di që jom kon pasiv, jo aktiv, por problemet kryhen. Gjithmonë kryhen problemet, gjithmonë ka zgjidhje. Unë do jem aty për ju”, përfundon ai.
Por, pas këtij postimi, Gjesti ka ndarë edhe një tjetër video, këtë herë teksa telefonon mikun e tij, DJ Gimbo.
Në telefonatë, Gjesti i tregon se është duke e pritur te pompa, ndërsa DJ Gimbo i thotë se duhet të vijë te autolarja. I habitur, Gjesti e pyet se ku ndodhet autolarja, ndërsa DJ Gimbo ia sqaron se pompa është prapa autolarjes.
“A nuk e din ku është autolarja?”, e pyet ai, ndërsa Gjesti i përgjigjet, pak i habitur: “Po, po e di ku është”.
Videon, Gjesti e ka shoqëruar me shkrimin “Nervoz pak po shnosh”, duke i dhënë edhe një tjetër moment humoristik situatës dhe duke treguar anën e tij spontane në komunikimin me miqtë.
Me këto postime, Gjesti duket se po rikthehet gradualisht në rrjetet sociale, duke ndarë me fansat momente nga përditshmëria e tij dhe duke u premtuar se shumë shpejt do të jetë sërish aktiv.
/Prive By LS
