Fenomeni i Big Brother VIP Albania 4, Besart Kelmendi – Gjesti, në rrugëtimin e tij prej më shumë se 180 ditësh në Big Brother Kosova dhe Albania, ka thënë se rrugëtimi i tij nuk ka qenë i lehtë, sidomos ambientimi në shtëpi, dhe se dalja nga Big Brother VIP Kosova 3 ka qenë fillimi i gjithçkaje.
Gjesti thotë se një prej momenteve më të vështira për të ishte përgjigjja nëse e dashuron Eglin apo jo, kapërcimi nga muri i shtëpisë, ofendimet nga banorët dhe bullizimi që i është bërë për shkak se nuk ka pasur shkollimin e duhur, stilin apo intelektin si të gjithë banorët e tjerë që ishin aty.
Ndërsa sa i përket skenës së shuplakës së shkaktuar nga Jozi, Gjesti e anashkaloi krejtësisht, pa ia përmendur emrin fare, mirëpo tregon se në atë moment është ndjerë si një njeri i pavlerë. Megjithatë, për të, “Bigu” është ëndrra e tij e realizuar.
