Dy nga artistët më të pëlqyer të skenës shqiptare, Ronela Hajati dhe Bardhi, kanë bashkuar forcat në projektin më të ri muzikor, “HARRAM”, që tashmë është publikuar me videoklip në YouTube.
Kënga është një kombinim modern i zhanreve pop dhe urban, me një refren që ngjitet shpejt në mendje. Melodia është realizuar nga J Gashi dhe Ronela Hajati, ndërsa tekstin e kanë shkruar vetë Ronela dhe Bardhi.
Produksioni muzikor mban vulën e Engliversal, ndërsa videoklipi i kuruar në detaj është realizuar nga Fullmoon Production.
Me skena vizuale të guximshme dhe performancë të zjarrtë nga Ronela dhe Bardhi, “HARRAM” pritet të jetë një ndër hitet e verës që do të dëgjohet gjatë dhe shpesh.
Dëgjojeni të plotë në linkun më poshtë! /Prive By Liberta Spahiu
