Seriali i famshëm i mbrëmjeve të mërkura, “Eşref Rüya”, po përgatitet për një kthesë të madhe që do të ndryshojë rrjedhën e historisë. Burime nga prapaskenat kanë konfirmuar se një nga aktorët mbështetës më të rëndësishëm do t’i japë lamtumirën projektit shumë shpejt.
Bëhet fjalë për aktorin e njohur Taner Rumeli, i cili luan rolin e “Dinçer”. Sipas ekipit të produksionit, largimi i tij nuk ka lidhje me faktorë të jashtëm, por është një vendim i marrë për hir të ecurisë së skenarit. Skenat e tij të fundit po xhirohen aktualisht dhe pritet që largimi i tij të jetë emocional dhe shumë intensiv.
Personazhi i Dinçer ka qenë një urë lidhëse mes konflikteve kryesore në serial, ndaj largimi i tij pritet të krijojë një boshllëk të madh. Ky ndryshim do të prishë ekuilibrat mes personazheve që luhen nga Çağatay Ulusoy dhe Demet Özdemir, duke hapur rrugën për aleanca të reja dhe tensione të papritura.
Fansat e aktorit Rumeli, i cili vlerësohet lart për talentin e tij në teatër dhe televizion, kanë mbetur të befasuar nga ky lajm. Tashmë mbetet të shihet se si do të ndikojë kjo zhvendosje në fatin e protagonistëve dhe çfarë surprizash të tjera ka rezervuar skenari për episodet e ardhshme. /Prive By Liberta Spahiu
View this post on Instagram
