Ish-finalisti i edicionit të pestë të “Big Brother VIP”, Mateo Borri, ka folur për herë të parë gjerë e gjatë rreth jetës së tij pas daljes nga shtëpia më e vëzhguar, duke u ndalur posaçërisht tek romanca e tij shumë e përfolur. I ftuar në emisionin e pasdites “Ftesë në 5”, ai ndau detaje të reja nga marrëdhënia e tij me Brikenën, por fokusi kryesor dhe ajo që bëri më shumë përshtypje ishte bekimi i familjes, veçanërisht mendimi i nënës së tij.
Për të gjithë ata që kishin dyshime se si është pritur Brikena nga familja Borri, Mateo zbuloi se nëna e tij është mbështetësja e tyre më e madhe. Ai tregoi se ajo i ka dhënë dritën jeshile kësaj lidhjeje duke u shprehur hapur për partneren e tij. Duke cituar fjalët e saj, Mateo theksoi se nëna i ka thënë që Brikena është “shumë e bukur dhe shumë e mirë”. Për nënën e ish-banorit, rregulli i artë është i thjeshtë dhe i qartë: “Nëse unë jam i lumtur, mami është e lumtur”. Ky reagim i ngrohtë vërteton se çifti ka mbështetje absolute në hapat e tyre jashtë kamerave dhe se marrëdhënia e tyre ka kaluar me sukses çdo provë.
Gjatë bisedës, Mateo nuk i kurseu deklaratat e forta, duke pranuar me zë të lartë se “ka rënë brenda” me Brikenën. Ai kujtoi me nostalgji momentin e parë kur i ka shprehur ndjenjat, duke i thënë “të dua” në italisht në dhomën e make-up-it, një deklaratë që ajo fillimisht e kishte pasur të vështirë ta besonte. Sot, ata po shijojnë një lidhje të konsoliduar, aq sa Mateo deklaroi me krenari se tashmë ndihet si një “burrë i martuar” dhe me partneren e tij po flasin vetëm për të ardhmen së bashku.
Sa i përket rrugëtimit të tij në reality show, ai e mbylli duke theksuar se arma e tij e vetme ishte të qenit vetvetja, larg çdo strategjie e viktimizimi . /Prive By Liberta Spahiu
