Startimi i Big Brother Fan Club me moderatore Kiara Titon ka nisur me një hyrje të pazakontë nga Luiz Ejlli, e cila ka ndezur menjëherë gjakrat në rrjet. Fituesi i BBVIP, në monologun e tij hapës, lëshoi një deklaratë të fortë që u interpretua si thumb ndaj produksionit apo skeptikëve të karrierës së partneres së tij.
“Janë mundu me lënë në hije, por hija nuk e mbulon kurrë dritën. Ajo është dritë dielli,” – u shpreh Luizi live, duke nënkuptuar se dikush ka tentuar të pengojë shkëlqimin e Kiarës.
Kjo deklaratë ka sjellë reagimin e menjëhershëm të Anaid Kalotit. Ish-fituesi i Big Brother 6 ka kritikuar qasjen e Luizit, duke theksuar se “lufta me produksionin ka mbaruar” dhe se Top Channel nuk është armik.
Sipas Kalotit, Kiara është në ekranin më të fortë shqiptar dhe nuk është lënë kurrë në hije, duke përmendur angazhimet e saj në Portokalli, DWTS dhe tani BB Fan Club.
“Ne burrat gjithmonë prishim punë, kur gjasme zotohemi të mbrojmë gratë…” – shkruan Anaidi, duke e cilësuar dramën si diçka që “nuk shet më”.
Por Luizi nuk e ka lënë me kaq. Pak orë pas postimit të Anaidit, ai ka publikuar një Story me tone kërcënuese, pa përmendur emra, por me adresim të qartë:
“Dikush t’i thotë dikujt mos ha […], se përballë do thuash më fal prap.”
Një përplasje virtuale që sapo ka nisur, dhe mbetet për t’u parë nëse do të ketë një ballafaqim tjetër. /Prive By Liberta Spahiu
