Muaj më parë, Influencerja e njohur Mërgime Aliu ndau me ndjekësit e saj në Instagram një nga përjetimet më traumatike të jetës së saj si nënë, teksa djali i saj i vogël Zayn është përballur me një krizë febrile të rëndë, madje jo një, por dy herë brenda një nate.
Kjo periudhë e vështirë për Mërgimen, djalin dhe familjen ende nuk ka marrë fund.
Nëpërmjet një postimi emocional në Instagram, ajo tregon se prej ditësh djali i saj po përballet me temperaturë të lartë që nuk po ulet, pavarësisht trajtimit me Paracetamol dhe kujdesit të vazhdueshëm mjekësor.
Pas shumë analizash dhe kontrolleve, mjekët konfirmuan se bëhet fjalë për Adenovirus — një virus për të cilin nuk ka ndonjë trajtim specifik. “As antibiotikë, asgjë”, shprehet Mergimja me shqetësim. Djali i saj ndodhej nën infuzion për dy ditë me radhë dhe përkundër përpjekjeve, gjendja nuk kishte ndryshuar ndjeshëm.
Në fund, familja vendosi që të kthehet në shtëpi, në një ambient më të ngrohtë e të zakonshëm për të voglin.
“Gjithçka që dua tani është të jem pranë tij, ta ngushëlloj dhe të jem aty për të,” shprehet Mërgmija.
Në një Story tjetër ajo shkroi: “Edhe te dy hoxhallar jemi kan… vetem për info” — duke treguar se nuk kanë lënë asgjë pa provuar për shërimin e të birit.
Mërgimja përmbyll me një lutje dhe shpresë që i biri të përmirësohet sa më shpejt: “Në momente të tilla e kupton sa i pafuqishëm ndihesh ndonjëherë…” /Prive By Liberta Spahiu
