Mbrëmjen e djeshme, e ftuar në panelin e emisionit “Goca dhe Gra”, Orgesa, partnerja e këngëtarit Klajdi Haruni, ka ndarë një lajm mjaft të veçantë. Ajo ka konfirmuar publikisht se së shpejti do të veshë fustanin e bardhë dhe se do të ketë patjetër një dasmë!
Çifti ka vendosur të hedhë hapin e rëndësishëm dhe të kurorëzojë romancën e tyre në një ceremoni që pritet të jetë një nga ngjarjet më të bukura të sezonit. Siç zbuloi vetë Orgesa gjatë intervistës, çifti ka zgjedhur kryeqytetin, Tiranën, për të mbledhur miqtë, familjarët dhe kolegët në këtë festë të madhe të dashurisë. Ceremonia martesore është planifikuar të zhvillohet gjatë muajit qershor të këtij viti.
Ky kurorëzim vjen në momentin më të bukur për çiftin, historia e të cilëve tashmë ka një kuptim krejt tjetër.
Kujtojmë se Klajdi dhe Orgesa janë prindër të një vajze dy vjeçare, të cilën e kanë pagëzuar me emrin e veçantë Hea.
Prania e së voglës me siguri do ta bëjë këtë ceremoni edhe më magjike, duke e kthyer qershorin në muajin e paharrueshëm të familjes Haruni.
/Prive By Liberta Spahiu
View this post on Instagram
