Në Aeroportin e Prishtinës është zbuluar një tentim kontrabande që ka bërë bujë, pasi në qendër të vëmendjes ishte modeli më i ri i Apple, iPhone 17.
Gjatë kontrollit të pasagjerëve që vinin nga linja ndërkombëtare, doganierët kanë gjetur disa telefona të fshehur në trupin e një udhëtari, të destinuar për tregun e zi. Edhe tek një tjetër pasagjer janë zbuluar telefona të mençur të futur në mënyrë të paligjshme.
Por nuk mbaroi me kaq. Në bagazhet e njërit prej tyre u gjetën gjithashtu 36,500 euro të padeklaruara, nga të cilat 9,000 euro janë konfiskuar menjëherë në përputhje me ligjin.
Rasti tashmë është në duart e Hetimeve të Doganës së Kosovës, teksa iPhone 17 vazhdon të mbetet një prej pajisjeve më të kërkuara në tregun e zi, përpara se të dalë zyrtarisht në vend.
/Prive By Liberta Spahiu
