Ndonjëherë ekrani të sjell përballë pikërisht atë të kaluar që i përket një kohe tjetër. Të gjithë e kujtojmë atë romancë intensive mes viteve 2011 dhe 2012 kur Rozana Radi dhe MC Kresha ishin padiskutim çifti më i ndjekur i showbiz-it tonë, duke ndarë jetën dhe hitet që i dëgjojmë ende. Por çfarë ndodh kur e kaluara troket në derën e zyrës sate pas më shumë se një dekade?
Dje, ata u gjendën fizikisht në të njëjtën studio pas kaq shumë kohësh. Kresha ishte ftuar të ulej përballë panelit të “Goca dhe Gra”, aty ku Rozi mban karrigen e opinionistes. Nëse publiku po priste një bashkëbisedim mes dy të rriturish që dikur ndanin gjithçka, apo qoftë edhe një batutë të thjeshtë konfidenciale, aty u pa qartë se të dy kishin zgjedhur të mbanin distancë.
Në vend të një komunikimi të zakonshëm, Rozana ruajti një qëndrim të akullt, duke zgjedhur heshtjen gjatë gjithë intervistës dhe duke u fokusuar herë pas here te ekrani i telefonit të saj.
Ndërkohë, Kresha fliste për temat pa telash por pati jo pak siklet kur iu vu në dukje fakti se është në një studio me Rozanën pas shumë kohësh. Ftohtësia dhe sikleti ekzatësisht i njëjtë thuhet se është transmetuar edhe shkurt mes blloqeve të programit pa kamerat e ndezura.
I gjithë ky moment ngriti natyrshëm një pikëpyetje logjike te shikuesit: Pse ky ngërç pas afro 13 vitesh? A ishte kjo thjesht një situatë e papritur pune të cilën ajo duhej ta menaxhonte drejtpërdrejt? Pasi Kresha mbaroi intervistën dhe la studion, Rozana e theu heshtjen e pyetur nga koleget e saj, duke e thënë troç dhe pa dorashka: “E respektoj për artistin që është. Preferova më tepër ta dëgjoja, sesa të flisja. Duke respektuar partnerët reciprokë. Nuk i zgjedh unë të ftuarit. Ia dëgjoj muzikën dhe e duartrokas në skenë.”
Kjo deklaratë tregon qartë se si qëndron e vërteta. Kjo përballje nuk ishte diçka që ajo e kishte kërkuar, por një tregues i pozicionit të saj profesional në botën e televizionit, ku puna shpesh të vendos përballë situatave të tilla të papritura.
Fakti që ajo vuri në dukje se “nuk i zgjedh të ftuarit”, e largon atë nga situata e sikletshme duke mbajtur kufij të qartë, dhe duke dëshmuar se disa histori mbyllen përfundimisht dhe kërkojnë vetëm respekt në distancë. /Prive By Liberta Spahiu
