Bes Kallaku, ka zgjedhur rrjetet sociale për të ndarë një moment mjaft emocionues me ndjekësit e tij.
Në këtë ditë festive për familjen e tyre, ai i ka dedikuar fjalët më të ndjera nënës së tij me rastin e ditëlindjes, duke treguar edhe një herë lidhjen e fortë që gëzon me të.
Përmes disa postimeve në InstaStory, Besi ka publikuar imazhe ku nëna e tij shfaqet e rrethuar nga lulet dhe në një atmosferë mjaft elegante ditëlindjeje. Krahas fotos ku ajo shihet e buzëqeshur, aktori ka shkruar: “Tu lumturoftë shpirti mam”, një urim i thjeshtë por që mbart një peshë të madhe emocionale, i shoqëruar me një zemër të bardhë.
Në njërën prej fotove, nëna e aktorit shihet duke lexuar me vëmendje një letër, çka lë të kuptohet se dhuratat dhe surprizat nuk kanë munguar në këtë përvjetor. Besi njihet për natyrën e tij familjare dhe shpeshherë e ka cilësuar nënën si shtyllën e tij më të fortë, duke mos i kursyer asnjëherë falënderimet publike për mbështetjen e saj të pakursyer.
Urime! /Prive By Liberta Spahiu
