Aktori i njohur turk Burak Yörük, i cili aktualisht po bën bujë me rolin e Oruçit në serialin “Taşacak Bu Deniz”, duket se ka vendosur të mos presë më gjatë! Ai dhe e dashura e tij prej shumë kohësh, këngëtarja Tuana Yılmaz, kanë përshpejtuar papritur planet e tyre të martesës.
Lajmi që ka rënë si bombë në mediat rozë turke është se çifti, i cili kishte lajmëruar një dasmë për këtë verë, ka ndryshuar mendje. Ata kanë vendosur t’i përshpejtojnë procedurat dhe pritet të ulen në tryezën e kurorëzimit pikërisht këtë muaj, dhe atë me një ceremoni jashtë shtetit!
Burak, i cili për shkak të xhirimeve të serialit në Trabzon po qëndron larg Stambollit, pak kohë më parë theksoi se ajo që e mundon më shumë është malli për familjen. Lidhur me planet e martesës, ai ishte shprehur: “Inshallah, po përpiqemi shumë. Në verë do t’ju ftojmë edhe juve.” Nga ana tjetër, Tuana e kishte mbështetur këtë ide duke thënë se ishin shumë të lumtur dhe po planifikonin diçka sipas procedurave.
Madje, vetëm pak netë më parë gjatë një eventi, e pyetur nga gazetarët se kur do të mbahej dasma, këngëtarja u shpreh: “Inshallah. Jemi pak në pritje për shkak të punëve. Kemi edhe disa gjëra që kërkojnë procedura ligjore. Plus, jemi shumë të zënë.”
Por, pavarësisht këtyre deklaratave për një vonesë të mundshme për shkak të agjendës së ngjeshur, gazetari Akif Yaman ka zbuluar lëvizjen surprizë: dyshja nuk ka ndërmend të presë verën dhe po bën gjithçka gati për t’u martuar në fshehtësi ose me një ceremoni të shpejtë jashtë vendit brenda pak javësh! /Prive By Liberta Spahiu
