Më pak se një muaj na ndan nga fillimi i Festivalit Europian të Këngës, i cili këtë vit do të mbahet më datat 13, 15 dhe finalja e madhe më 17 maj në Basel të Zvicrës.
Përfaqësuesja e Shqipërisë këtë vit, Shkodra Elektronike, është duke bërë provat e fundit për paraqitjen skenike. Ata do të performojnë më datë 13 maj, me numër 12.
Për pjesën artistike po kujdeset Marta Bramezza, një balerinë mjaft e njohur në Itali, e cila është duke mbajtur provat me artisten Beatriçe në studiot e saj të baletit. Ndërsa për paraqitjen skenike do të kujdeset një studio mjaft e njohur, Ombra World, me bazë në Britani të Madhe, të cilët janë kujdesur edhe për paraqitjen skenike të Italisë vitin e kaluar.
Në Eurovizion këtë vit me rrënjë shqiptare nuk do të jetë vetëm Shkodra Elektronike, por edhe këngëtari shqiptar Gjon Muharremaj, apo siç njihet me emrin artistik Gjon’s Tears, i cili do të performojë në skenën e madhe evropiane në maj të këtij viti.
